സാഹിത്യസാഹ്യം മലയാളഗദ്യത്തിന്‍റെ മാനിഫെസ്റ്റോ

Abstract

നല്ലവണ്ണം ഗദ്യമെഴുതുന്നവനേയും വല്ലവണ്ണം പദ്യമെഴുതുന്നവനേയും പരിഗണിയ്ക്കുമ്പോൾ രണ്ടാമത് ഒന്നാംസ്ഥാനംകിട്ടുന്ന സാഹിത്യകാലാവസ്ഥയാണ് ഏ.ആർ. ന്‍റെ കാലത്ത് മലയാളത്തിലുണ്ടായിരുന്നത്. എന്നാൽ ഒരു ഭാഷയുടേയും അതിലെ സാഹിത്യത്തിന്‍റെയും പ്രാമാണ്യം അളക്കേണ്ടത് അതിലെ ഗദ്യസാഹിത്യകൃതികളുടെ എണ്ണവും വണ്ണവും നോക്കിയാണ് എന്ന് സ്വതവേ ഉൽപതിഷ്ണുവും അതിലുപരി അന്യഭാഷാ സാഹിത്യങ്ങളുമായി പരിചയിച്ചിട്ടുള്ള വ്യക്തിയുമായ ഏ.ആർ.ന് ഉത്തമബോധ്യമുണ്ടായിരുന്നു. 1911-ൽ അദ്ദേഹം പ്രസിദ്ധപ്പെടുത്തിയ സാഹിത്യസാഹ്യം ഗദ്യത്തിനു വേണ്ടിയുള്ള ഗദ്യത്തെ നിലവാരപ്പെടുത്തതിനുവേണ്ടിയുള്ള ശക്തമായ ഒരു വാദമാണ്. മലയാളഗദ്യ സാഹിത്യത്തിൽ സാഹിത്യസാഹ്യത്തിന്റെ പങ്കിനെ പറ്റി പരിശോധിക്കുകയാണ് പഠനം.