നാടോടിവിജ്ഞാനീയ മേഖലയിലൂടെ നവോത്ഥാനം —ജന്തുചരിതത്തെ ആസ്പദമാക്കിയു ള്ള പഠനം

Abstract

ഒരു കൂട്ടായ്മയുടെ ഭാഗമായി നിലനില്ക്കുന്ന മൃഗസംബന്ധിയായ നാട്ടറിവുകൾ സാംസ്കാരിക സ്വത്വനിർമ്മിതിയുടെ അനിവാര്യ ഭാഗമാകുന്ന കാലഘട്ടത്തെയാണ് ഇവിടെ നവോത്ഥാനമെന്നതു കൊണ്ട് ഉദ്ദേശിക്കുന്നത്. സാംസ്കാരിക നരവംശശാസ്ത്രത്തിന്റെ പൊതു മണ്ഡലത്തെ ആശ്രയിച്ച് പുരോഗമിച്ച ഫോക്ലോറിസ്റ്റിക്സിന് അതിന്റേതായ ലക്ഷ്യവും മാർഗ്ഗവും തിട്ടപ്പെടുത്തിയെടുക്കാൻ കഴിഞ്ഞത് 19-ാം നൂറ്റാണ്ടിന്റെ പാരമ്പര്യാന്വേ ഷണങ്ങളിലൂടെയാണ്. കേരളത്തിലെ ജന്തുചരിതം നാടോടി  വിജ്ഞാനീയത്തിന്റെ  മേഖലയിൽ എത്രമാത്രം സ്വാംശീകരിക്കപ്പെട്ടിട്ടുണ്ട് ? ഈ നാട്ടറിവുമേഖല എങ്ങനെയെല്ലാം കേരള സംസ്കാരത്തിന്റെയും ചരിത്രത്തിന്റെയും നവോത്ഥാന ചിന്തകളെ ത്വരിതപ്പെടുത്തിയിട്ടുണ്ട് എന്ന അന്വേഷണമാണ് ഈ പ്രബന്ധം.