കളമെഴുത്തും പാട്ടും അവതരണകലാസ്തിത്വവും നാടോടിത്തനിമയും

Abstract

ഫോക‍്‍ലോറിന്റെ വ്യാപാരമേഖലകളും പരിധികളും അനുദിനം മാറ്റത്തിനു വിധേയമായിക്കൊണ്ടിരിക്കുകയാണ്. പുതിയ ഗവേഷണങ്ങളും കണ്ടെത്തലുകളും ഈ സംജ്ഞയുടെ അർത്ഥവ്യാപ്തിയെ ഒട്ടൊന്നുമല്ല വികസിപ്പിച്ചിട്ടുള്ളത്. അതിനാൽ ഫോക‍്‍ലോർ  സവിശേഷതകൾ പട്ടികപ്പെടുത്തുക അനായാസകരമല്ല. പക്ഷേ വാമൊഴിവഴക്കം, പാരമ്പര്യത്തോടുള്ള ഇണക്കം, പ്രാക്തനത, പ്രായോഗികത , സാമൂഹികത , ഭിന്നാത്മകത , അനുകരണാത്മകത , അജ്ഞാതകർതൃത്വം മുതലായ ചിലത് ഫോക‍്‍ലോറിന്റെ പൊതു സവിശേഷതകളായി ലോകത്തിലെ മിക്കവാറും എല്ലാ ഫോക‍്‍ലോർ  ഗവേഷകരും എടുത്തു കാട്ടിയിട്ടുണ്ട്. ഈ പൊതുവീക്ഷണങ്ങളെ ആധാരമാക്കി ‘കളമെഴുത്തുംപാട്ടും’ എന്ന കലാരൂപത്തിന്റെ രംഗകലാസ്തിത്വത്തേയും അതിലെ നാടോടിത്തനിമയേയും അന്വേഷിക്കുകയാണ് ഈ പ്രബന്ധം.